خليني ف حالي
ماليش دعوا ايه ال بيحصل
خليني ف ال بيجرالي
أبقي اناني ؟
لأ مش هاعرف
انا دايما محترف انساني
لا انا عارف أغير من نفسي
ف مكاني ما بقتش القاني
عايش غرقان ف هموم الناس
والناس علي طول مش فاكراني
وكتير بتألم وبعاني
وف وسط الناس انا وحداني
ولا فيهم حد يعبرني
ويدوب فيا انا حرماني
خليني ف حالي انا أريحلي
وكفايه وجع وصداع ف دماغي
انا عاوز اتعلم انسي
الناس ال دايما نسياني
وأديني بتعلم لسه
والدنيا ماشيه و وا خداني
لطريقها ومش عارف حتي
انزل وأسيبها و ألقاني
حالف مش هاتيجي ف يوم لحظه
غير لما اعيشها انا عشاني
وكفايه انا عيشت كتير مني
واديت ولا عمر حد إداني
انا حالف اعيش بس لنفسي
ولنفسي هاعيشلها من تاني
والاحسن هابعد وهاسلم
من الاخر
خليني ف حالي
خليني ف ال بيجرالي
....
.....
.......
هناك 20 تعليقًا:
جميل يا آدم بس بطل غش .. غاششها مني دي دي حالتي أنا ، طبعا انت حسيت بمقاطعها التقيلة و عارف بردو مقاطعها اللي فيها مرونة في الموسيقى و سهولة في الانتقال من كلمة لأخرى .. أحسنت @ تحياتي @
جميلة ديه و فيه رنين موسيقى جميل
و طبعاً الكلام حلو اووى
جميله
بس حزينه
تعبر عن مشاعر انسان مر بأزمه فى حياته
ويحاول النسيان
ولكن النسيان ليس سهلا
منتظرين ابداعك دائما
توء
معتقدش هتقدر
اللي اتعود ديما يدي ميعرفش عمره يبقي اناني
بس جميله
تحياتي
اممممممممممم
كل ده جواك
:)
تقبل مرورى
ملكة بحجابى
عايش غرقان ف هموم الناس
والناس علي طول مش فاكراني
بالضبط هذا ايضاً ماينطبق علي و على كل الناس الأنقياء مثلك اخي آدم
كم احب البساطة في التعبير عن شعورك
متابعة لك دائماً اخي الكريم
و تأكد دائماً بأن قلوبنا معك
كلمات جميلة ورقيقة جدا وتدل على انسان مبدع فعلا اخى العزيز مهارتك الشعرية كبيرة توازى احمد (اسماء واحلام)
ادم الله عليك روعة القلم دائما يارب
اخى العزيز دمت بكل حب و ود وفى رعاية الله وحفظه دائما ياااارب
الحقيقه اني بالفعل لا اعرف لماذا لايهتم الناس بمن يهتم لشئونهم
يكفيهم ان هناك من يهتم وكان هذا حق اكتسبوه بالفطره اما ان يبادلو الاهتمام بالمثل فتلك خرافات الاولين كما يقال
الدرعمي
حبيبي يا احمد وحشني جدا واشكرك لتعليقك اما بالنسبه للحاله ف دي حالة ناس كتير اوي مش انت وبس
تحياتي
ادم
بدراوي
شكرا لاهتمامك ومتابعتك الدائمه
تحياتي
ادم
رامي واصل
هي فعلا حزينه وفعلا تجربه انسانيه
انت فعلا حسيت اللي انا عاوز اقولوا
اشكرك لوجودك الدائم
تحياتي
ادم
سمكه واحده
انا فعلا مقدرش اكون اناني ابدا
عندك حق ف كلامك
تحياتي
ادم
ملكه بحجابي
جوايا كتير اوي مش بس كلام وبس
تحياتي
ادم
مريم الزياني
البساطه هي دايما اسلوبي مش بس ف الكتابه لكن ف الحياه عامتا
اشكرك لمتابعتك الدائمه
اريد ان اسال علي اختك فاطمه لماذا محتفيه؟؟؟ بلغيها تحياتي
ادم
thunder
اشكرك جدا علي مجاملتك الجميله اوي دي
ولكن مين هو احمد ده (اسماء واحلام)
اشكرك
تحياتي
ادم
حكايه لا تنتهي
هذا هو حال مهظم من حولنا جميعا
اشكرك
تحياتي
ادم
صعبببببببب
لازم هتحس بغيرك
عارف ليه
لانك انسان
والانسان عمره ماكان اناني
جميله ياادم بجد
كيارا
كلامك مظبوط
اشكرك
تحياتي
جميله يا أدم.. بس الناس مش بتتغير هيه كده وهتفضل كده ع قد ماتعرف تاخد منك هتاخد مش هنفدر نغيرهم بس ممكن نغير نظرتنا احنا ليهم ونحس بعقلنا مش بي قلبنا مش هقولك نلغي قلبنا بس نحافظ عليه للي يستاهله بجد مش اللي يلعب بيه ويسيبنا مجروحين بنفكر 100000000مره قبل مانفتحه لحد تاني..يبقي من الاول احسن ..ممكن ساعتها نعيش كلنا مرتاحين!!!
تحياتي
rodina
عندك حق فعلا
تحياتي
ادم
إرسال تعليق