ست الحسن

.....

....

يا ست الحسن

يا اميره

يا نور العمر

يا اكبر قلب

مليان حب

يا ضحكة طفل

لحظة قرب

يا دمعة شوق

لأ جمل حضن

يا نور البدر

يا جميله

يا حسن الحسن

يا اميره

يا انفاسك

يا احساسك

يا ريحة عطرك

الدافي

ف لون الحب وملامحوا

معاكي شهاده

ممضيه ومختومه

من العشاق

بقيتي ف الهوا عاليه

بقيتي من الغرام شايله

بحور وجبال

علي جناحك

وعملا م النسيم شالك

وخلخالك

يهز برنة المواويل

قلوب عاشقبن

قلوب ملايين

قلوب ماتت

يصحيهم

علي الأنغام

علي الألحان

يا ست الحسن

جميلة الشكل والهيئه

وخدودك

م الغرام دايقه

بتشهدلك عيون ملايين

ماهي شايفه

عيون سارقه

م السما لونها

يا ست الحسن

عليكي قوام

مدوب ف الهوا العشاق

ياست الحسن

ف حلاوتك

ف كلامك

ف شقاوتك

وحتي عطفك للمحتاج

اسير الشوق

والأشجان

معاكي اي شيء يتهان

وممكن امشي

ع الاشواك

يا ست الحسن

......

.....

خسرتني

خسرتني ......
ضيعتني من بين إيديك
ولا عمر يوم ابدا
هافكر فيك

وهمتني بحبك
وانت الاسي ف طبعك

دور .....دور ومش هتلاقي
يوم حد يسأل فيك

وان مره يوم شفتك
بالصدفه وعرفتك
مش راح اكون زيك
انا هابتسم ف عنيك

رغم ان مش ممكن
من تاني ارجعلك

قلبي خلاص سيبتوا
وقتلت فيه طيبتوا
مبقتش افكر فيك
مبقتش احس عنيك
ولا عمري يوم هناديك

انت بقيت ماضي
ان كنت بتفكر
من تاني يوم ترجع
انا بكرهك اكتر
من حب قلبي اليك

يا أسي ....
يا أناني.....
يا خوفي علي نفسك
منك ومن غدرك
إنساني....
إانساني...

انا قلبي مات ف هواك
رغم انوا داب ف لقاك
كانت نهايته الموت
والموت علي اديك

قولوا لأ

اصحي يابلد
قولي لأ
قولي مره
كلمة حق
فوقوا من نومكم بأه
قولوا لأ
ياناس كفاياكوا بهدله
بتبوسوا اديكوا وش وضهر
علي أيه؟؟
علي النعيم ولا الهنا
قولوا لأ
وارفعوا راية اعتراضكم
علي وضع بقالوا ميت سنه
متبهدلييين
متشرديين
وف القرف عايشيين
مستحملين
ولحد امتي
هاتفضلوا ساكتيين
قولوا لأ
ماتخافوش
ان كان حولينا الوحوش
هايموتونا
ما يموتونا
ما احنا كده كده
عايششين بيعذبونا
واهي موته ولا اكتر
قولوا لأ
يمكن نقدر نرجع اللي مننا اتسرق
سرقونا عقولنا
وبدلوها بشوية ورق
متربيين
ومهببيين
لحد ماخلونا
شوية سمك
خنقاه الشبك
لاهو عارف لفين واخدينوا
ولا حتي ف يوم سأل
اصحي يابلد
قولي لأ
قولي لأ
يمكن نرجع حلمنا
اللي انداس
واتنهب
قولو لأ
ياعالم قولو لأ
خبونا نعيش لو مره
من غير قلق
قولو لأ