بتبتسم الحياه

و بتبتسم تاني الحياه

ليا الحيا بتترسم

والضحكه خارجه بتتقسم

لضحكتين جوا العيون

مَسَحتْ جواها الف أه

رَجَعَتْ عيوني تبتسم

رِجعتْ تحب من تاني الحياه

وخدودي عاملالي فرح

ما بقاش بيألمها الوجع

إبيض تاني ف حضنها

لون القمر

وإتنبتت علي ارضها

حبة أمل

حبة حنين

حبة فرح

ياه

انا قلبي من تاني إنشرح

حالف ما يحصد الفرح

حالف يسيبوا

عايش علي نور الامل

ياه

انا روحي طايره في السما

كده مغرمه

شايفه الأمل

ويا الفرح

عاملين سوا

أجمل نغم

وإتبسمت تاني الحياه

رفعت رايات

الألف لا

للألف أه

هاتعيش من غير طوق النجاه

هاتعيش وتاني هاتبتسم

ف البسمه هاتلاقي

النجاه

هي الأمل

هي الحياه

وبتبتسم

وبتترسم

اجمل معاني

في دنيتي

علي جثة ألم

وبقايا أه

دلوقتي بحب الحياه

بحب الحياه

....

...