غصب عني
............................................
اعذريني
غصب عني
لما ببعد
غصب عني
واما قرب
بتناديني 100 حكايه
جوا مني
لما بلمس يوم إديكي
تفرح مشاعري
ترقص
تغني
واما انادي
ف يوم عليكي
بتناديني حاجات جميله
جوا مني
واما عيني تيجي صدفه
تشوف عنيكي
تبتسم
ولفوق تشيلني
تفرح الأيام معانا
يجي شوقنا وف لقانا
يترسم اجمل مافينا
جوا حضني
واما بسمع صوتك مره
ببقي عاوز كل مره
اركب الموجه اللي بره
بين إديكي انا اترمي
وتحسي قلبي
واما تمشي
بقرب مني
خطوتك بتهزني
بتهز كَُلي
واما أحس عبير مشاعرك
جوا منك
بينادوني
وانت من خجلك بتمشي
طب بس نظره
طب بس همسه
لو حتي كلمه
قوليها وأمشي
حسي بيا
وبمشاعري
لما تتنطط ف قلبي
يوم ما أشوفك
بس وألمح ثانيه طيفك
ببقي ف الاحساس مراكبي
بجري بالمركب وأعدي
عند قلبك بس أهدي
وافتكري
غصب عني
لما ببعد
وأما اقرب
بحس إني....... بتولد
ف دنيا تانيه
الحب عنوانها
غير ملامحي
بس ف الأخر بقلك
غصب عني
,,,,,,,,,
,,,,,,
,,
هناك 9 تعليقات:
مباااااااارك عليك .. لولولولولولييييييييي
الأخ الفاضل :: AdaM ::
غصب عني
أنا أظن
غصب عننا كلنا ^_^
أبدعت يا آدم في رسم صورة جميلة للحروف
و أنا أقرأ حروفك أجدني مسافرة في تقاسيم نبضك المرهف الذي يدل على نقاء حسك و جوهرك
الدرعمي
وعليك يا احمد
تحياتي
ادم
محمد سعد القويري
فعلا كلنا غصب عننا
تحياتي
ادم
مريم الزياني
نورتي المدونه
طبعا كلماتك اد ايه بتعبر عن انسانه زواقه مرهفه وحساسه جدا
اشكرك
تحياتي
ادم
احسنت ابداعا ادم
ولازم يكون فى حاجات غصب عننا
لان هى دى الدنيا
ليس كل شئ فى ايدينا
الكلام من قلبك و حقيقى أوى
حاول تنشرها فى حته
سلام
جميله ياادم بجد
إرسال تعليق