هافضل جمبك
------------
لأ يا حبيبي ما تتألمش
طول ما انا جمبك
حارس قلبك
عايش ف ال نني وف الرمش
زي ما انت كمان محتاجلي
انا محتاجلك
هارفض اعيش ولا يوم
من بعدك
اللي يحب ما يستسلمش
جمد قلبك واهزم يأسك
اللي يسيبك سيبوا يسيبك
وماتندمش ............
واللي بيجي عليك يا حبيبي
يوم في حقوقك
لسه صغير ما اتعلمش
اوعي في يوم ياحبيبي تفكراني هاسيبك
هافضل جمبك
لو طلبوني اكون لك كبش
من غير همس
هامشي واقدم روحي هديه
علشان تفضل دايما فاكر
ان انا حبي مايتكررش
ايوه بحبك
هافضل احبك
صدق يوم او ماتصدقش
عارف ان مشاعري زياده
فوق العاده
اصلي بحبك مابمثلش
سيبك من اوهام في دماغك
حس حبيبي بخوفي عليك
حس مشاعري وشوقي اليك
وماتظلمش
اه هاستحمل ظلمك ليا
حلف القلب مايتألمش
علشان خايف يجرح قلبك
فضل احسن يقعد ساكت
وماينطقش
اوعي في يوم ياحبيبي تفكر
اني هاسيبك لأ ماتخافش
هافضل جمبك
حلمي في بعدك مابيكملش
ب توه منوا معاني كتيره
مابيتشفش
هافضل جمبك
اصلي بحبك
الاحساس يا حبيبي في قربك
مايتعوضش..
هناك 11 تعليقًا:
إيه يابني ده ؟ حرام عليك قطعت قلبي .. بس الموسيقى جميلة ومفيهاش سقطات إلا في موضعين تلاتة والباقي سلسلة دهب .. الحب العتي يولد إبداع عتي والحزن العتي يولد إبداع عتي ، ولما يجتمعوا ؟؟ يولدوا قصيدة جميلة زي دي @ تحياتي ، ربنا يوفقك @
نسيت أقولك : وحشني صوتك وانت بتلقي قصايدك
جميلة يا ادم واحساسها عالي
ومبروك المدونة
جميلة يا ادم بجد كلماتك رهيبة
واحساساك جامد قوي
بس مش حاسس انو زيادة شوية يعني محدش يستاهل
بس بجد كلامتك تحفة ربنا يوفقك
تحياتي
اشكرك يا حسام واتمني التواصل
الاء الجميله طبعا جميله من الاسم اشكرك علي كلماتك الجميله
احب ان اقول ان هناك من يستحق ما لا يستحقه الاخرون
ولكن اين هذا الشخص ؟
علي العموم اتمني التواصل
وانت كمان يا احمد وحشتني اوي
واشكرك علي الsupport الدائم ليا
ربنا يخلينا لبعض دايما
جميلة القصيدة دي
تحياتي لك
شكرا يا كريم
ماشاء الله بكتب جميل اوى فى الشعر الغنائى تسلم ايديك شكرا على مرورك على المدونة
واكيد مش اتكون اخير زيارة هنا ان شاء الله كان بودى اعلق على كل بوست بس معلش فصلت من التعليقات عندى فى المدونة
اشكرك يا اخت ايوشه واتمني الاتصال الدئم
تحياتي
ادم
إرسال تعليق