مرايتك انامرايتك انا
ساكته ليه اتكلمي
قولي حاجه وفرحيني
قولي انك عايشه ساكنه بين جفوني
قولي حاجه وهدديني
من غيري راح تموتي
وتموتيني
قولي حتي واوصفي
شوقي وجنوني
قولي عاشقه
قولي تايهه
قولي اي حاجه تفرحك
او تجرحك
مش مهم
المهم انك تقولي
سمعيني يا حبيتي مره ضحكتك
او حتي خلي روحي تمسح دمعتك
بدموع عيوني
سمعيني شكوتك
واشتكي مني ف بعدي ووحدتك
سمعيني يا حبيتي
ماتخافيش
وماتقلقيش
كل كلمه راح تقوليها
سر في بير
في بير غويط
مابينتهيش
اتكلمي
اتخيلي اني مرايتك
واحكيلي قوام حكايتك
ماتعيطيش
ولا اقلك
عيطي
خلي الدموع تنضف الجرح
اللي ياما عذبك
ماتقلقيش
يا حبيبتي
انا مرايتك
وانا اللي كنت في يوم حكايتك
انا اللي فات وانا اللي جاي
انا حب صافي
ماينتهيش
استني واوعي تتسرعي
خدي وقتك
وواحده واحده فكري
تكوني ليا
او ماتكونيش
انت اللي بإديكي تقوليلي
امتي اموت ...امتي اعيش
انت اله الحب
والحب جواكي
تخيلي
خلص مافيش
من عند بياع القلوب
انا جبتيلك
قلب وحبيبه علمه
ازاي يعيش
اتعلمي
كل حاجه وافهمي
قدام عنيا
علشان عنيا
عشقاكي حتي لو انت
ما عشقتنيش
حبيبتي
اوعي يوم تفكري
تخلي قلبي ينكسر
قدام عيونك
اديلوا اكسير الحياه
ارميلوا يوم طوق النجاه
علشان يعيش
علشان يعيش
يا اله قلبي
خليه يعيش
هناك 40 تعليقًا:
طب انت يا استاذ ادم زعلتها ليه
اكيد حاجة كبيرة دى اللى مش مخلياها تكلم .. وتعبر عن اللى جواها
اديها فترة تعيش الصمت دا وفى الاخر هيا هتكلم لوحدها
بس الكلام جميل بتطمنها تكلم وتعبر عن اللى جواها ... ودا فى حد ذاته حلو
تحياتى
ميرسي يا مي
بس انا مزعلتهاش لاني اساسا معرفهاش
تحياتي
ادم
احاسيس حلوه يا ادم
وتعبير ممتاز عن المشاعر
اغنيه جميله الكلمات
وان كانت قويه قليلا
والحب يبدأ بالمرونه
لان هماك الكثير من الناس لا يستطيعون التعبير عن انفسهم
ويفضلون الصمت
تحياتى
ما اجملها من مشاعر تلك التي قرأتها بنقاء قلبك ، ،
جميلة كلماتك و رائعة أحاسيسك و إنسكاب قلمك هذا جعلني عاجزة عن التعبير عن مدى إعجابي اللا متناهي بكلماتك الصادقة.
مجموعه مشاعر واحساسيس تمس الشعور والوجدان مباشرة ودون اي استئذان
ما احلي ان يحس كلا الطرفين بانه مراة الاخر
مدونتك رائعه يا ادم وتقبل مروري
وانا سعيد جدا اني اتشرفت بيك
لكم دينكم ولي دين
http://christ-way-truth-life.blogspot.com/2009/05/blog-post_26.html
بالتاكيد انت ستصبح يوما ما شاعر غنائي ممتاز نمي تلك الموهبه يافتي
طيب مطلوب إيه بعد ما انت حكمت إنها جميلة ؟ خلص الكلام كدة .. المقدمة ملهاش أي لازمة بس عصبتني خلتني ما أحسش القصيدة .. آسف
و ياريت تمسح تعليق الواد سيرفانت أوف كريست ده عيل نجس
و متدخلش معاه في حوار متضيعش وقتك بلا نتيجة
اتخيلي اني مرايتك
واحكيلي قوام حكايتك
فى احلى من كده كلام ياريت بجد جميلة اوى بس ليا تحفظ صغير ياريت متزعلش منه
انت قولت فى الاخر يااله قلبى
معتقدش اننا مسموح ابدا نحط اى انسان فى مقام الاله حتى لو كان مين يعنى انا دايما بشوف حب الله الاول وبعديه يجى كل حب يبقى اله القلب هو الله
تقبل مرورى ومتزعلش منى كلامى انا بس حبيت اوضح اللى جه فى بالى
مريم الزياني
اشكرك بوجودك المستمر علي صفحات مدونتي
اشكرك علي كلماتك الرقيقه
تحياتي
ادم
beutiful mind
شرفتني واسعدتني كلماتك
تحياتي
ادم
servant of christ
طبعا شرفتني علي المدونه واتمني ان لا ندخل في محاورات وجدالات في الدين فانا لست اهل لذلك
تحياتي
ادم
حكايه لا تنتهي
اشكرك وكم اتمني ان اكون شاعرا غنائيا كبيرا وكم اتمني ان اري كتابي الاول في ايدي الناس فهذا حلم حياتي
تحياتي
ادم
الدرعمي
معلش يا احمد انا اسف المره الجايه هاتكون القصيده احسن انشاء الله
تحياتي والف سلامه
ادم
الدرعمي
احمد ياريت نحترم بعض وبلاش الافاظ الخارجه
احنا اكبر من اننا نغلط في بعض ومع اعتذاري الشديد للاستاذ خادم المسيح علي اللفظ الخارج
احمد كل انسان ليه الحق ان يؤمن بمعتقدات حتي لو كانت خاطئه المهم انه مايجرحش غيره
واكيد انت عارف ان ربنا هو اللي هايحاسبنا جميعا
دع الخبق للخالق وبلاش نغلط في بعض يا جماعه احنا احسن من كده
تحياتي
ادم
الدرعمي
دعني اجرب الحوار معه فانا اعرف جيدا ربما اغير منه ولو شيء صغير
ودعني اذكرك بالرسول الكريم عليه الصلاة والسلام عندما كان حاره اليهودي يلقي بالقمامه امام بيته كل يوم وفي يوم لم يجد الرسول القمامه كعادته فذهب للاظمئنان عليه فوجده مريضا فاسلم الرجل لسماحه خلق الرسول ولجمال ديننا الدين الاسلامي
ربما يجعل من هذا الشخص رجلا صالحا في سبيل الاسلام ينفعنا جميعا باذن الله وان لم يكن فلا يجب ان نغلط فيه باي لفظ خارج وحتي لو فعل هو ذلك
تحياتي
ادم
ايوشه
كلامك علي العين والراس يا ايوشه
انا هحاول اتجنب الحيث في مثل هذه النقاط
علي فكره انا مش زعلان ابدا من اي تعليق من اي حد احنا المفروض اننا كلنا مرايه لبعض
تحياتي
ادم
كما تحب اللهم بلغت اللهم اشهد بس ابقى افتكر نصيحتي .. ثم إنك بالفعل مش هتقدر تتحاور معاه مش عشان هو على حق عشان هو حيوان بس ، أنا بحترم الديانة المسيحية جدا و معنديش أي مشاكل مع أصحابي المسيحيين أنا أكتر حد مصاحب ناس اسمهم مينا قربت أدخل في الموسوعات العالمية بس فيه ناس متعصبين زيه و جهله زيه بردو و بيجادلوا عن غير علم زيه فمفيش داعي تتعب نفسك ومفيش داعي تخليه يحس إنه انتصر على حد مسلم في نقاش (وسيفعل ذلك معك) فيحس إنه بيعمل حاجة صح وإن الإسلام غلط وإن المسلمين ضعاف مش قادرين يردوا عليه .. طبعا انت عارف إن تخصصي مقارنة الأديان وما يعجبنيش أبدا إن ده يحصل و مش بستخدم شتايم في أي حوار مع حد مسيحي جاد فاهم يعني إيه مقارنة أديان بس ده مش كدة .. و أنا آسف إني استخدمت الألفاظ اللي مش عاجباك بس أنا عارفه كويس أكتر منك
كما تحب اللهم بلغت اللهم اشهد بس ابقى افتكر نصيحتي .. ثم إنك بالفعل مش هتقدر تتحاور معاه مش عشان هو على حق عشان هو حيوان بس ، أنا بحترم الديانة المسيحية جدا و معنديش أي مشاكل مع أصحابي المسيحيين أنا أكتر حد مصاحب ناس اسمهم مينا قربت أدخل في الموسوعات العالمية بس فيه ناس متعصبين زيه و جهله زيه بردو و بيجادلوا عن غير علم زيه فمفيش داعي تتعب نفسك ومفيش داعي تخليه يحس إنه انتصر على حد مسلم في نقاش (وسيفعل ذلك معك) فيحس إنه بيعمل حاجة صح وإن الإسلام غلط وإن المسلمين ضعاف مش قادرين يردوا عليه .. طبعا انت عارف إن تخصصي مقارنة الأديان وما يعجبنيش أبدا إن ده يحصل و مش بستخدم شتايم في أي حوار مع حد مسيحي جاد فاهم يعني إيه مقارنة أديان بس ده مش كدة .. و أنا آسف إني استخدمت الألفاظ اللي مش عاجباك بس أنا عارفه كويس أكتر منك
الدرعمي
عندك حق واعتذر لك
تحياتي
الأخ الفاضل :: AdaM ::
السلام عليكم
صباح الخير
مرايتك أنا
عجبتني أوي أوي ..
أسلوب جميل ..
عندي ملحوظة بسيطة جدًّا
( إله الحب - إله قلبي )
تمنيت لو استخدمت مفردات عوضًا عن هذه ..
على العموم
النص رائع
تحياتي ^_^
الاستاذ محمد القويري
اشكرك وساحاول استخدام الفاظ اخري باذن الله
تحياتي شرفت المدونه
ادم
جميله اوي كلماتك ياأدم وأحلي مافيها انها محسوسه أوي...بالتوفيق يارب
ده اول مرور ليه علي مدونتك وأول حاجه اقراها بس بجد جميله...
الاستاذ المبجل الغير معرف
اشكرك اتمني ان تفصح عن هويتك
هههههههههههههههههههههههههههههههه
شرفت المدونه
تحياتي
ادم
nice
تسلم يا أدم....عذرا فهذا اول تعامل لي مع المدونات
وعمل تعليق في حد ذاته اعتبره انجاز استغرق الكثيييييييير هههههههه
وعد ان اللي جاي يكون اسهل ان شاء الله
تحياتي
اسمح لي يا أدم اضم صوتي لصوت الاستاذ الدرعمي في اقتراح ازاله تعليق(سرفانت اوف كريست) وأنا مع كل الكلام اللي قاله الاستاذ الدرعمي لان في رايي ليس هذا المكان المناسب ولا الشخص المناسب لمثل هذه المناظرات فأنا اري ان ابلغ رد في حلته هذه هو عدم الرد وتذكر الشافعي حين قال:
قالوا سكتُّ وقد خوصمتُ قلتُ لهم...إنَّ الجوابَ لبابِ الشرِّ مفتاحُ
والصمَّتُ عن جاهلٍ أو أحمقٍ شرفُ..وفيه أيضاً لصونِ العرضِ إصلاحُ
أما تَرَى الأُسْدَ تُخْشى وهْي صَامِتة ٌ؟...والكلبُ يخشى لعمري وهو نباحُ
عذرا للاطاله فكلنا له ليس اصحاب بل حقا اصدقاء مسيحين حقا من الذين صدق فيهم قول الحق: ولتجدن اقربهم موده للذين امنوا الذين قالوا انانصاري..صدق الله العظيم
ضع كامل طاقاتك في موهبتك لتنميها ولا تدع اي ضوضاء حتى وان كانت عاليه الصدي ان تعطلك ولا ان تاخذ من وقتك ولو القدر اليسر لللتعليق عليها...
تحياتي
جميل يا استاذ ادم
انا ضفت مدونتك فى رول المدونات عندى
---
مع تحياتى
اشكرك يا رودينا
واتمني ان اراكي باستمرار
تحياتي
ادم
بدراوي
سعيد جدا بزيارتك واشكرك علي وجودي في رول مدوناتك
انتظر تعليقاتك القادمه
تحياتي
ادم
راجي
انت اللي نايس
تحياتي
ادم
الكلمات مع الانفعالات جميلة اوى آدم
لكن سؤال بريئ بس
انت فعلا هتكون له سر فى بير غويط
:))
الكلمات مع الانفعالات جميلة اوى آدم
لكن سؤال بريئ بس
انت فعلا هتكون له سر فى بير غويط
:))
desert cat
اكيد هاكون سر في بير غويط عشان كده انا بقله عشان يبقي عارف
هههههههههههههههه
تحياتي
ادم
السلام عليكم
على فكرة عجبنى كثيرا الكلمات أحسست فيها بالقوة و الرسوخ كالأشجار العلا فى سماء الحط
(انا معرفش ما معنى الحط لكنى سمعتاها هكذا)
بس مينفعش الواحد يكون مراية حد بيعرفه و بيكون قريب منه جدا
عزيزى
معلش مش هعلق على البوست
انا بس جاى اصححك معلومة كل شويه تقولها عند خادم المسيح
عزازيل رواية من تاليف يوسف وزيدان
وهو اعترف بكده ومش مذكرات راهب ولا حاجه
بس اى كلام موجود فى الرواية صحيح تاريخيا وكل الاشخاص موجودين فى التاريخ والوقائع كلها
وعلشان تفهم اكتر وتعرف اكتب فى جوجل عزازيل هتدخلك لموقع يوسف زيدان فيها حورارات معاها فى دريم والحياه
تفهم بيها الموضوع والرواية اكتر
تحياتى
سلام
اعش في الليل ضي القمر
اشكرك
تحياتي
احساس لسه حي
اشكرك جدا
تحياتي
إرسال تعليق