اهات
كل اهه تتحكي ف حكايات
اه م اللي من لحمي ومن دمي
اه من ال رباني وعلمني
واه من ابويا ومن امي
جابوني ورموني
في الدنيا دي وحدي
سابوني ليه بعاني
من ذنب مش ذنبي
يارب
اشكي لمين غيرك
من وحدتي وغلبي
لا انا قادر اعيش مرتاح
ولا مرتاح والأه بتقتلني
يارب انت الحكم
عبدك كتير انظلم
ونار الظلم حرقتني
واتشوهت صورتي
وفي ضلي بداري ( اختبيء) من ضل مش ضلي
بعيش في الضلمه من الحيره
والحيره دايما تعذبني
اه
اه ياقلبي شايل جواك وساكت
وانت عارف اني عارف
اصل انت زي ابني
مسكينه يادي الاه
عذبتها في هواك
موتني في جلدي
اه
اه من شوق حنيني
لماضي دايما معذبني
يارب بلجأ ليك
وفي وحدتي ببكي
عند يقين بجلالك
يارب اقف جمبي
اهلي راموني لناس
داسوا علي حقي
سرقوني من نفسي
سابوني لحد غريب
لاهو من لحمي
ولا حتي من دمي
اه
عايش علي اراضيه
وقليلوا راضي بيه
فرحوا مخاصمني
كأنوا معاقبني
ولما يجي اليوم
واجري بعيد عنوا
اهاتوا تسبقني
تسرقني من نفسي
ترجعني اوام عندوا
هناك
هناك علي اراضيه
الماضي هو ماضيه
والاهل مش اهلي
مجبور اعيش انا فيه
وهاعيش عشان ارضيه
من غيروا يوم شالني
يارب صبرني
عن بعدي عن نفسي
وان كان في مصلحتي
وديني ياربي
لابويا او امي
عندك هاعيش مرتاح
ولا يوم هاحس جراح
هانسي معاني الاه
والاه هاتهجرني
في حضنك يا امي
هناك 7 تعليقات:
السلام عليك يا صاحبي مباركة عليك المدونة وإن شاء الله تكون فاتحة خير ... عن القصيدة الجميلة أقول لك : آهاتك أثارت آهاتي ، وجدتني أذكر الشاعر أسامة الدناصوري رحمه الله : إني أبكي لأجلك أيها الشاعر لكنني أقسم أنك إن عرفت حكايتي لبكيت أنت .. أحسنت وإن كانت هناك ملحوظات صغيرة جدا و نتفاداها بإذن الله في الآتي @وفقك الله يا عزيزي@
اشكرك يا احمد جدا واتمني اكون عند حسن الظن
بصراحةانامعجب بالقصيدةالتانية اكتر من دي
تحياتي لك
دي بردو حلوة بس انا معجب بالتانيةاكتر
اشكرك يا مصطفي
ورأيك يهمني جدا
واتمني نكون علي تواصل
معلش يا ادم
اسف ع التعليق السابق
المهم كنت بقولك مبروك ع المدونة
و كنت بقولك كمان ان جايزة الكاتب الأولي بتبقى الرضا النفسي و احساسه انه قدر انه يعبر عن اللي جواه .. فاستمتع بجائزتك الأولى قبل الجوائز الأخرى
و بتمنالك النجاح و التوفيق في مشوارك الأدبي
تحياتي ليك
صديقك
كريم
إرسال تعليق