هذه نتاج موقف تعرضت له مع احد الاصدقاء بعدما ضرني كثيرا في حياتي وفي علاقاتي مع الناس وعذرا علي الشتائم ولكنها ليست 1 علي مليون مما فعل هذا الانسان بي
عامتا هذه كلمات بيني وبين نفسي اقولها لافرغ شحنه كبيره بداخلي لانني كنت
"هافرقع من الغيظ"
فقررت بدلا من اعطيه قيمه كبيره في الرد عليه فهو لايستحق ذلك قررت ان اضعها كلمات علي ورق لا اؤذي بها احد ولا اؤذي بها نفسي
عفوا مره اخري علي الالفاظ الخارجه
تحياتي
ادم.......................
انت بتتكلم علي مين
....
انت بتتكلم علي مين مسكين
يا ابني ارحم نفسك من الاسافين
كلك حقد وكره لمين؟
ابعد عني شوفلك حد
يكون زيك غلبان مسكين
تاكل عقلوا بكدبك طبعا
وبأسلوب السين والجيم
بس بقلك
مش راح يفضل علي طول صاحبك
بس كتيروا شهر اتنين
اصحي وفوق من حلمك فورا
اخرج من عش الدبابير
بقي انت يا صايع
انت يا تافه
عايز تبقي من المشاهير
عشش وابعد بس بعيد
واخرج من جوا الاساطير
بص لنفسك يوم واتأمل
خفف علي فكرك مشاوير
ايه راح تكسب من الاعيبك
مش هنصقف ولا هنحي
ولا هنكونلك يوم جماهير
ابعد عنا
مش راح ابدا يوم تكسرنا
لو رشقت جسمنا مسامير
دا الضربه اللي ما بتموتشي
بتعلم زمار مواوييل
شكلك يقرف
ريحتك تقرف
متعنطظ وعاملي وزير
شوفلك موته بس تليقلك
يزمروا فيها بمزامير
ايوه طبعا......ماانت وزيرابن وزير
انت بتتكلم علي مين
انت نسيت نفسك يا بهيم
وكمان عمال تدي في اسافين
اه يا واطي ياتربيه زباله
اه يا حته دوده في برسيم
تعرف اني ظلمت الدوده
اه يا انسان احساسه لئيم
اخرك كده من شبرا الكوم
او من حته اسمها بشتيل
فعلا يا ابني انت وزيروابن وزير
بطل بقي ماتلم لسانك
ربنا كده يبعتلك داهيه
قادر ربنا عنده كتير
اقلك فكره
روح عند بتاع الطراطير
يمكن وياه تلقي نفسك
وتنادي طراطير...... طراطير
ابعد عني وعيش مع نفسك
لحسن برج دماغي يطير
بص هاقلك
اسخط نفسك قرد بموزه
ولا بلوزه
تنفع حد في يوم يدعيللك
ويغنيلك.....
اه يا معفن
اه يا صغنن
لازم كنت تحط في بالك
تلبس بامبرز حجم كبير
انت بتتكلم علي مين
ارحم نفسك من الاسافيين
اه والله
غلبان
مسكين
اه يا انسان احساسه لئيم
هناك 41 تعليقًا:
إيه يا دكتور ده ؟ انت متعرفش تمسخر حد وتمسح بيه تراب الأرض من غير شتايم ؟ اقرأ في الهجاء و فنونه عند العرب و اقرا عمنا بيرم و الحاج جاهين و انت هتظبطه أكتر الحيوان ده ، بس بصراحة هو كفاية عليه كدة انت انتقمت جامد ولا كإنه كل ورثك ، معلش هي الدنيا كدة @ تحياتي @
اشكرك يا احمد علي نصائحك القيمه
يا دة انت زعلك وحش قوي
على العموم احسن انك ماشالتش جواك
بص بالنسابة للبوست اللى اتشال انا شايف انك كان لازم تخليه مش مهم الناس شايفة ايه المهم انت شايف ايه
والله يا مصطفي انا انسان طيب اوي ومش بعرف اذي حد ومشكلتي اني بشيل في نفسي وبتعب اوي بس الكتابه دي نعمه من عند ربنا وربنا يديمها علينا الي الافضل باذن الله
عامتا اشكرك علي كلماتك الجميله
اما بالنسبه الي البوست اللي اتشال انا اتهاجمت من الناس بشكل غريب اوي واتقالي انه مش قصه اساس ولا يمس الي كونه بشئ وده طبعا كان راي احد الاصدقاء الدرعميين لكن البوست بالنسبه ليا كان موضوعه جميل ومشكله بجد موجوده وسطينا وعايشه تحت الارض مستخبيه وكان لازم عليا ان اظهرها
عامتا انا اوعدك ببوست تاني قريبا بمشكله اخري نحاول نحلها مع بعض
اشكرك علي اهتمامك وتعليقاتك الجيده
تحياتي
ادم
يا عم فين الألفاظ بس
والله أنت راجل طيب ومحترم
اللي يبيعك سيبك منه
ونصيحة متفكرش كتير في حد خانك أو هجرك
تحياتي
ميرسي يا مايكل علي نصيحتك العاليه
تحياتي
ادم
علي فكرة
مش هوه ده الكلام اللي بيوجع بجد
بس واضح إنك كنت شايل منه أوي أوي
بس دي مهما كانت إسمها غيبة يا أدم
ربنا يهديه
اشكرك يا دكتور بس مع احترامي لكلامك دا مجرد وهم حاليا هذا الشخص ولا يمثل اي شيء ليا انا لما كتبت كلام زي كده مش عشان اوجعه بالعكس هو مايعرفش اساسا اني كتبت كل ده انا بس حبيت اخرج من حاله جوايا مع اصدقائي الاعزاء الورقه والقلم
وده شيء حبيت انشره في المدونه كعمل ادبي لا اكثر من ذلك
اما بالنسبه للغيبه دا في حالة ان يكون الاشخاص اللي بيقروا البوست يعرفوا الشخص ده عامتا يا دكتور هو انسان طيب وغلبان فعلا وانا بشفق عليه وهادعي معاك ليه ربنا يهديه
تحياتي
ادم
ههههههههههه مش فاهم يعني ليه التلميحات بتاعة أحد الأصدقاء الدرعميين دي متقول آدم الدرعمي هو مصطفى غريب ! ده أخويا الكبير أما انت طيب صحيح
مع انى مش لاقى شتائم توجع
بس انت اخدت حقك
والكلام اللى انت كاتبه ينطبق على ناس كتير الواحد عاوز يطلع غله فيهم
بس انت ظبطه
فعلا الكلام ده يبطبق علي كتير اوي من الناس
بس ايه رايك تمام صح
تحياتي
ادم
اخى العزيز اين الحلم على الناس لا تقابل من اساء اليك بإساءه مثلها فأفضل قدوه لنا الرسول صلى الله عليه وسلم لم يقابل الإساءه و الأذى بالمثل فكان من اخلاقه العفو .
فتحلى يا أخى بصفه من صفات النبى وهى الحلم والعفو و سوف تشعر ان نفسك ليست متضجره .
وعموما معاتبة اللئيم اجتنابه
اول زيارة ومش هاتكون اخر زيارة
تحياتى
اشكرك يا استاذ اكيد
بس مع احترامي لرايك دا مجرد
كلام علي ورق
يعني بفرغ عن نفسي
تحياتي وانتظر تعليقاتك القادمه
ادم
استاذ آدم
هكذا هم الناس او بالاخص المقربون نعتبرهم اقارب و في الواقع هم عقارب
نحسن اليهم ، نمنحهم الوفاء والحب ، نمد ايدينا بمصافحة مشاعرهم فيعضونك و يتحدثو عنك بالسوء و يشوهون ماتبقى من صورتك ...
والله إني ضحكت جداً على ماكتبته فأنا أحب مصر والشعب المصري كافة و تعجبني جداً اللهجة المصرية ، لذا فأنا استلذيت بقراءة ماكتبته
تحياتي لشخصك اخي الطيب
هو فين الكلام الوحش
كلامك جماله انك حاسه قوي
بجد احييك انت دماااااااغ
\
سلااااااااااااااام
للاسف في زمننا هذا الصداقة صارت تضرك أكثر مما تنفعك ..
الجميع يخون و إنت قد تعتبر الصديق كل شئ بحياتك و تعطيه كل ماعندك وهو بكل بساطة يأتيك في يوم و تنصدم فيه ..
بصراحة أشكرك بحرارة على هذه القصيدة التي أبكتني من الضحك .
شكراً لك
تحياتي
اشكرك يا مريام علي كلامك الرفيع وعلي فكره الشعب المصري شعب طيب جدا وحبوب وصاحب صاحبه اوي
طبعا اشكرك علي مرورك انت والاخت فاطمه
لي سؤال انتوا اخوات؟؟؟
الشنكوتي الكبير استاذنا الكبير ايهاب الجميل
اشكرك علي وصفي باننا دماغ لان انا دماغ فعلا
احييك
واشكرك علي التعليق الجامد
ادم
الحمد لله ان القصيده كانت سبب في انط ضحكتي يا اخت فاطمه
علي فكره انا بحب الاسم ده جدا جدا
اشكرك علي كلماتك الرفيعه
تحياتي
ياخبرررررررررر
بجد دى حاجة توجع اوى
كل ده هجاء ؟؟
امممممممم
سامح
المسامح كريم
وأدعو الله أن يجعلك من الكاظمين الغيظ
وأن يرزقك الحلم .. والحليم هو من يكف لسانة عند الغضب
وبعدين فيه مقولة بتقول إنك لما تشتم او تغضب من حد مضايقك يبقى بتديله إعتبار .. يعنى مجرد تجاهله ده لوحدة كفيل يردلك الغلط اللى حصل فى حقك
ولا تفكر فيه يا دوم دوم
تقبل مرورى
ملكة بحجابى
هجاء بالعامية؟!!
هاي جديدة:) طول روحك مش مستاهلة
الاخت الجميله ملكه بحجابي اشكرك بجد علي مرورك وتعليقك الجامد وانا مع كلامك طبعا عتاب الندل اجتنابه وفي اجتنابه بنحسسه بانه لا شئ بالنسبه لينا وده اللي انا عملته لما كتبت القصيده دي اجتنبته في العالم الحقيقي ولكن في عالمي الخاص قررت ان اخذ بحقي منه
تحياتي واتمني التواصل
دوم دوم حلوه اوي دوم دوم
ادم
مياسي الجميله وايه المشكله ان يكون في هجاء بالعاميه اهي فكره جديده واسلوب جديد ممكن اكون تناولته بشكل مش محترف بس اهو فتحت السكه للناس عشان تكتب بشكل مختلف
علي العموم انا هطول بالي
اشكرك
تخياتي
ادم
يسهلوووو
جامدة بجد يا آدام الغريب ان الحشرات اللى من النوع ده بتكون متخيلة ان الناس بتاكل من كدبها مش يعرفوا انهم بيستخدموهم للتسلية
عجبتنى اوى الشطرة دى
انت بتتكلم علي مين مسكين
يا ابني ارحم نفسك من الاسافين
كلك حقد وكره لمين؟
ابعد عني شوفلك حد
يكون زيك غلبان مسكين
تاكل عقلوا بكدبك طبعا
وبأسلوب السين والجيم
بس بقلك
مش راح يفضل علي طول صاحبك
بس كتيروا شهر اتنين
بجد عبرت جدا جدا على هذه النوعية من الطفيليات وابدعت
تحياتى ليك
ايه يا عم ده كله بس!!
بس الموسيقى الشعرية عندك جميلة استغلها فى حاجة مفيدة
وربنا يكرمك:)
طبيب
ومهتم بالسينما
وتكتب الشعر والنثر!
مزيج متميز فعلا
:)
اشكرك يا دارعمي
تحياتي
ادم
الاخ او الاخت desert cat اشكرك علي تحياتك وكلماتك الجميله
وانا معاك فعلا ان في ناس كير اوي بالشكل ده والنهارده انا اكتشفت انسان تاني من هذا النوع كنت بحبه اوي وبتمنالوا الخير والله لوجه الله بس طلع انسان غريب ما علينا
ماما نصحتي بنصيحه غاليه قالتلي الانسان اللي يكون مش كويس معاك وانت احسنت اليه ماتزعلش عليه اكيد هو مايستهالكش وده مش لان انا انسان متميز لأ بس عشان ربنا بيوفق الشخصيات الطيبه مع بعض
من الاخر
الطيبون للطيبات والعكس
تحياتي
ادم
الاخ مجرد مدونه اشكرك علي الكلمات الجميله بس استغل الموسيقي في حاجه مفيده زي ايه ياتري؟.؟؟؟؟
اتمني الرد
تحياتي
ادم
alzaher اشكرك انا بحب السينما جدا وكان نفسي اطلع ممثل وعلي فكره انا بغني وصوتي حلو الناس بتقول كده
تحياتي
ادم
مفيش ابدا رد على الناس دى غير حسبى الله ونعم الوكيل
الخيانه لما تيجى من صديق بتوجع جدال لانها لو جت من عدو بنبقى متوقعنها ومنتوقعش غير كده لكن الصديق بتكون صعبه اوى
magi معاكي حق
تخياتتي
ادم
انا شايفة انك تبتعد عن هذا الانسان وخلاص ..الموضوع مش مستاهل توجع فى قلبك كده يعنى
اول مرور ليا .. المدونة بتاعتك بجد جميلة
تحياتى
:)
ميري يا me مدونتي جميله بمرورك الجميل
تحياتي
ادم
الأخ الفاضل :: Adam ::
السلام عليكم
أعجبني النص وتناسق أحرفه
وأظن أحرفك قد تحولت إلى رصاصات اخترقت جسده ..
حصل لي موقف مشابه
فقمت وأمسكت قلمي وفجرت غيضي
استشرت أحد الفضلاء في نشرها في مدونتي فأشار عليّ بألا أفعل ..
أخي آدم ..
أظن أن سياسة التهميش نافعة جدًّا ..
مع أمثال هؤلاء - ريح دماغك - ولا تحرق أعصابك ..
تحياتي ..
ـــــــــــــــــــــــ
أسعد بوضع رابط مدونتك على صفحتي
الاستاذ محمد القويري
اشكرك علي نصيحتك
وهذا شرف لي بوجود مدونتي علي صفحتك
اتمني التواصل
تحياتي
ادم
مرحبا آدم ...
كيفك؟
كلامك ما فيه اي اهانة لحدا ولا تجريح ... انا اول مرة بقرا كتاباتك , وان شالله ما رح تكون آخر مرة ...
تحياتي
احمد المحروق
احمد المحروق
اشكرك علي دعمك وانتظر زيارتك القادمه فالمدونه تنتظر رايك في ايه يا حبيبي
تحياتي
ادم
هذه ثالث قصيده اقراها ع مدونتك وقراتها اكثر من مره عشان اصدق ان أدم اللي احساسه جميل في القصائد السابقه هو نفس الكاتب لهذه الكلمات التي تجعللك في حاله غريبه بين الضحك والبكاء والرأفه بالمكتوب له قبل الكاتب....الحياه مليئه بمثل هؤلاء الذين لايدينون بمعروف ولا يستحيون من ان يستنزفوك بمشاعر غايه في البروده معتقدين انهم هم الملائكه...
هؤلاء ياادم لايستحقون ان تكتب فيهم ابيات تعتذر في اولها عن كتابتها
"والكاظمين الغيظ والعافين عن الناس والله يحب المحسنين"
rodina
كلامك ع العين والراس
شكرا لمرورك
تحياتي
ادم
إرسال تعليق