غصب عني

غصب عني

............................................

اعذريني

غصب عني

لما ببعد

غصب عني

واما قرب

بتناديني 100 حكايه

جوا مني

لما بلمس يوم إديكي

تفرح مشاعري

ترقص

تغني

واما انادي

ف يوم عليكي

بتناديني حاجات جميله

جوا مني

واما عيني تيجي صدفه

تشوف عنيكي

تبتسم

ولفوق تشيلني

تفرح الأيام معانا

يجي شوقنا وف لقانا

يترسم اجمل مافينا

جوا حضني

واما بسمع صوتك مره

ببقي عاوز كل مره

اركب الموجه اللي بره

بين إديكي انا اترمي

وتحسي قلبي

واما تمشي

بقرب مني

خطوتك بتهزني

بتهز كَُلي

واما أحس عبير مشاعرك

جوا منك

بينادوني

وانت من خجلك بتمشي

طب بس نظره

طب بس همسه

لو حتي كلمه

قوليها وأمشي

حسي بيا

وبمشاعري

لما تتنطط ف قلبي

يوم ما أشوفك

بس وألمح ثانيه طيفك

ببقي ف الاحساس مراكبي

بجري بالمركب وأعدي

عند قلبك بس أهدي

وافتكري

غصب عني

لما ببعد

وأما اقرب

بحس إني....... بتولد

ف دنيا تانيه

الحب عنوانها

غير ملامحي

بس ف الأخر بقلك

غصب عني

,,,,,,,,,

,,,,,,

,,

قسمه ونصيب

قسمه ونصيب

ومش غريب
إن القريب يصبح غريب

من غير سبب
يبعد يغيب
كل ال سابه في غربته
إحساس عجيب
مَوت مشاعري ف وحدتي
وف قربوا كان أغرب غريب
كنت بستحمل قسوته
عشان اعيش

ورضيت خلاص بقسمتي
من دنيتي

قسمه ونصيب
ولا عمرك كنت ف يوم حبيب

دبلت مشاعري ف الهوا

قلبي اتكوا

اصبح كئيب

وكلوا منك

والسبب

حبي الحبيب

لأغرب غريب

هَدعِي عليك انا ف الهوا

انك عن الوعي تغيب

لا تحس شوق ولا حتي حب

ولا حتي جرحك يوم يطيب

انت اللي كان من قسمتي

ودمعي دوب فرحتي

وهاعمل ايه

اهو دا النصيب

وهي دي القسمه........وهوا دا النصيب

...................

هايغيروك

هايغيروك

ويعلموك

ازاي تعيش

من غير حبيب

وهايهتفوا لقلبك بصوت

مايهزنيش

اصل اللي باع قلبي وهواه

مايهمنيش

روح وارمي حضنك وسط احضانهم هناك

مش راح يعيش

ابعد ابعد هناك

ماتحبنيش

اللي بيكسر يوم مشاعري

مايهمنيش

هايعلموك

ويغيروك

وهايعملوا لقلبك افيش

هنا الهوا ويا الدوا

خلص مافيش

هايلمعوك

وهايظهروك

وساعتها مش راح يعرفوك

بعد اما تقدم ف الهوا

راح يخونوك

ويبهدلوك

وف النهايه غيروك

وعني قدروا يبعدوك

وزغليلوك

بحطام افيش

ومن عليه اوام شالوك

يا خسار

يا خساره

اصل في الاخر باعوك

بتبتسم الحياه

و بتبتسم تاني الحياه

ليا الحيا بتترسم

والضحكه خارجه بتتقسم

لضحكتين جوا العيون

مَسَحتْ جواها الف أه

رَجَعَتْ عيوني تبتسم

رِجعتْ تحب من تاني الحياه

وخدودي عاملالي فرح

ما بقاش بيألمها الوجع

إبيض تاني ف حضنها

لون القمر

وإتنبتت علي ارضها

حبة أمل

حبة حنين

حبة فرح

ياه

انا قلبي من تاني إنشرح

حالف ما يحصد الفرح

حالف يسيبوا

عايش علي نور الامل

ياه

انا روحي طايره في السما

كده مغرمه

شايفه الأمل

ويا الفرح

عاملين سوا

أجمل نغم

وإتبسمت تاني الحياه

رفعت رايات

الألف لا

للألف أه

هاتعيش من غير طوق النجاه

هاتعيش وتاني هاتبتسم

ف البسمه هاتلاقي

النجاه

هي الأمل

هي الحياه

وبتبتسم

وبتترسم

اجمل معاني

في دنيتي

علي جثة ألم

وبقايا أه

دلوقتي بحب الحياه

بحب الحياه

....

...

قلمي مخاصمني

قلمي مخاصمني

رافض يطاوع

مره فكري

عمال يعاند حتي حبي

انا قلت مل ف يوم لحزني

لكنه رافض يبتسملي

رافض يغني

رافض تعلم كلمتي

حالف يخوني

طب اعمل ايه وياك يا قلمي

مابقاش بينفع ابتسم

ولا بقي مره يحسني

ويحس حزني

ياقلمي ايه الحكايه

هو انت ليه معاند معايا

جوايا ميت الف حكايه

ارجوك ساعدني

بلاش تتخلي حبيبي عني

انت اللي ف الدنيا فاضلي

انت اللي حسيت يوم بدمعي

وانت الل فرَحَك فرحي

ايه الي حصل

خلاك ليه عني تنفصل

وف كلامك تختصر

فرحي وحزني

فين المشاعر الي كت بتحركك

وتذلذلك

تقلب كيانك وتحولك

أله ف الثانيه تكتب

وتكتب....... ايه غيرك؟؟؟

مش هي دي دمعتي

كتبت فيها احلي كلام

مش هي دي ضحكتي

ماتقولي ايه غيرك

طب ايه ف بالك

اتجننت كل المشاعر

جوا مني

علي باب قلبي

عمالا بتخبط

مش عارفه تخرج

محبوسه

والحبسا بتخنق

عماله تسقط

واحده ورا التانيه

ولا ف اديا حاجه

غير اني اعيط علي ال فيا

ما انت مخاصمني

انت يا قلمي

بعد ما كنت كل عمري

حبيبي صاحبي

وكل حاجه ف دنيتي

وحياتي عندك

ارجع صالحني

ارجعلي تاني ف وحدتي

اسمع يا قلمي

انت اللي ليا

ف دنيتي

من غيرك هارفض وحدتي

مستني ردك

يا تيجي من تاني لدنيتي

او هانسي خالص كل حاجه

هاموت نفسي

سلام يا قلمي

سلام يا قلمي

بحبها

هذه الكلمات البسيطه هديه مني لصديق اليوم هو عيد ميلاده

كل سنه وانت طيب

من علي صفحات مدونتي

المتواضعه

اتمني ان تعجبك الكلمات

ومن الممكن ان تهديها لمن تجب

تحياتي

............................. ادم

....

.....

....

بحبها

بعترف ..... بحبها

بحبها

والثانيه ليله ف بعدها

ما اقدرش ابعد عنها

وقلبي سامع ضحكها

رغم اني عمري ماشفتها

بس ف خيالي رسمتها

محتاج لها

انا قلبي اصلوا حبها

اقلها....

ولا أنسي وابعد عنها؟

.....

...

عمالي تحكي عنها

عن حد كان بيحبها

لا كنوا حطم قلبها

في حد يكسر قلب زيها

ولا اي حاجه تعوض

حته ف ضفرها

كان نفسي لحظة ضعفها

تحس إني جمبها

يمكن اخفف عنها

وبإيدي امسح دمعها

من غير ما احس

لقيت ف قلبي حبها

لاقيتني بشتاق لها

مستني اسمع حسها

مستني احس بحضنها

المس جمالها وحسنها

ما عرفش قلبي ليه قوام

حبها

ليه ياقلبي؟؟؟؟

هو انت عمرك شفتها

رغم انها صوره ف خيالك

بتحسها.....

انا نفسي احب

بس اما احب

احب حد شكلها

قبل ما اشوفها بحبها

بعد ما اشوفها بحبها

هاموت ولسه بحبها

البوسه ديا لخدها

والورده ديا لقلبها

والضحكه ديا لحسنها

با حب حبي لحبها

اصل الحقيقه

اني بدوب ف قلبها

بحب حبي لحبها

بحبهههههههههههههههههها

خليني ف حالي

خليني ف حالي

ماليش دعوا ايه ال بيحصل

خليني ف ال بيجرالي

أبقي اناني ؟

لأ مش هاعرف

انا دايما محترف انساني

لا انا عارف أغير من نفسي

ف مكاني ما بقتش القاني

عايش غرقان ف هموم الناس

والناس علي طول مش فاكراني

وكتير بتألم وبعاني

وف وسط الناس انا وحداني

ولا فيهم حد يعبرني

ويدوب فيا انا حرماني

خليني ف حالي انا أريحلي

وكفايه وجع وصداع ف دماغي

انا عاوز اتعلم انسي

الناس ال دايما نسياني

وأديني بتعلم لسه

والدنيا ماشيه و وا خداني

لطريقها ومش عارف حتي

انزل وأسيبها و ألقاني

حالف مش هاتيجي ف يوم لحظه

غير لما اعيشها انا عشاني

وكفايه انا عيشت كتير مني

واديت ولا عمر حد إداني

انا حالف اعيش بس لنفسي

ولنفسي هاعيشلها من تاني

والاحسن هابعد وهاسلم

من الاخر

خليني ف حالي

خليني ف ال بيجرالي

....

.....

.......