الأحد، 27 ديسمبر 2009

ست الحسن

.....
....
يا ست الحسن
يا اميره
يا نور العمر
يا اكبر قلب
مليان حب
يا ضحكة طفل
لحظة قرب
يا دمعة شوق
لأ جمل حضن
يا نور البدر
يا جميله
يا حسن الحسن
يا اميره
يا انفاسك
يا احساسك
يا ريحة عطرك
الدافي
ف لون الحب وملامحوا
معاكي شهاده
ممضيه ومختومه
من العشاق
بقيتي ف الهوا عاليه
بقيتي من الغرام شايله
بحور وجبال
علي جناحك
وعملا م النسيم شالك
وخلخالك
يهز برنة المواويل
قلوب عاشقبن
قلوب ملايين
قلوب ماتت
يصحيهم
علي الأنغام
علي الألحان
يا ست الحسن
جميلة الشكل والهيئه
وخدودك
م الغرام دايقه
بتشهدلك عيون ملايين
ماهي شايفه
عيون سارقه
م السما لونها
يا ست الحسن
عليكي قوام
مدوب ف الهوا العشاق
ياست الحسن
ف حلاوتك
ف كلامك
ف شقاوتك
وحتي عطفك للمحتاج
اسير الشوق
والأشجان
معاكي اي شيء يتهان
وممكن امشي
ع الاشواك
يا ست الحسن
......
.....

هناك 3 تعليقات:

nariman يقول...

aiwa kda balash el 3'ama2an da fata7ha shwia:D:D, bs hya di pschizophrenia ya fandem wala eih wala homa el sho3ara kda bytna2alo between different moods easily??may be:D:D.bgd gamela gedan gedan

gay-ana يقول...

يا بختها !!!
يا ريت كل الرجال مثلك يقدروا قيمة النساء !!
كلامك حلو كتير و يضرب على الوتر الحساس ...
يمكن يكون ناتج عن تجربة شخصيه مش مجرد كلمات ؟؟؟

كتكوته يقول...

كلمات جميله يمكن عشان بسيطه في الوصف
تحياتي